Prezantimi i Fëmijët Kudo në Korçë dhe Lushnjë
“Atëherë Jezusi u tha atyre: ''Ai që e pranon këtë fëmijë të vogël në emrin tim, më pranon mua; dhe ai që më pranon mua, pranon atë që më dërgoi mua, sepse ai që është më i vogli nga ju të gjithë, ai do të jetë i madh'.” Luke 9:48
Fëmijët Kudo ka nisur takimet e para mes drejtuesve të shërbesave të fëmijëve, me qëllim krijimin rrjetëzimeve rajonale për të ndarë eksperiencat dhe sfidat sëbashku.
Fëmijët kudo u prezantua jo thjesht dhe vetëm si një platformë e cila funksionon si mbështetës dhe lehtësues për materiale, kurrikula, trajnime, kurse për shërbesën e fëmijëve. Por edhe si lëvizje brenda së cilës kishat bashkëpunojnë dhe inkurajojnë njëra- tjetrën në shërbesën e tyre për fëmijët. Ne duam të shohim Kishën shqiptare të ecë e unifikuar përkrah fëmijëve në ecjen e tyre me Zotin.
Deri më tani janë zhvilluar dy takime rajonale, një në qytetin e Korçës dhe tjetri në qytetin e Lushnjës, në të cilat u bë prezantimi i fëmijët Kudo por edhe u diskutua nevoja e materialeve në gjuhën shqipe.
Vizioni i Fëmijët kudo është që fëmijët Kudo të ecin me Jezusin dhe të lulëzojnë në mbretërinë e Perëndisë, ky vizion do jetë më i qartë dhe i realizueshëm nëse ecim përkrah njëri- tjetrin.